កម្មករជាង ២០ រោងចក្រក្នុងក្រុងបាវិតនៅតែបន្តតវ៉ា
កម្មកររាប់ពាន់នាក់នៅជាង ២០ រោងចក្រក្នុង ក្រុងបាវិត នៅតែបន្តធ្វើការតវ៉ាឈានចូលដល់ថ្ងៃ ទី៤ កាលពីម្សិលមិញដើម្បីទាមទារឲ្យថៅកែរោងចក្រ ផ្តល់ប្រាក់បន្ថែមលើកទឹកចិត្តចំនួន ៥០ ដុល្លារ។ ប្រាក់ ៥០ ដុល្លារ គឺជាប្រាក់លើកទឹកចិត្តដែលថៅកែរោងចក្រខ្លះ ក្នុង ក្រុងបាវិត បានផ្តល់ឲ្យកម្មករដែលមិនចូលរួមធ្វើបាតុកម្ម ឬកូដកម្ម ចាប់តាំងពីដើម ខែមករា មក។ លោក ខាត់ ឡូត អនុប្រធានសម្ព័ន្ធចលនាកម្មករកម្ពុជាបានឲ្យដឹងកាលពីម្សិលមិញថា កម្មករជាង ២០ រោងចក្រក្នុងតំបន់សេដ្ឋកិច្ចពិសេស មេនហានធេន និងប្រមាណ ៤ រោងចក្រនៅក្នុងតំបន់សេដ្ឋកិច្ចពិសេស តាយសេង បានដើរចេញពីការងាររបស់ពួកគេ ដែលបង្ខំឲ្យរោងចក្រសម្រេចចិត្តបិទទ្វារដោយសារខ្លាចមានការប៉ះទង្គិចណាមួយកើតឡើង។ «កម្មករមិនចូលធ្វើការទេដោយសារពួកគេមិនបានទទួលនូវអ្វីដែលពួកគេបានទាមទារហើយការទាមទារនេះមិនដឹងពេលណាបញ្ចប់ទេ»។ …មុំ គន្ធា
មុំ គន្ធា
http://www.postkhmer.com/national/1-national-news/113587-2014-04-29-03-18-16
